टेक- अर्जुन हार गये जौ जूं भीम गये पानी कूं
1. बागऊ हारे बगीचाऊ हारे, मालिन हार गई जौजऊ भीम गये पानी कूं
अर्जुन हार गये जौ जूंभीम गये पानी कूं
2. तालऊ हारे तलइयाऊ हारे, धोबिन हार गये जो जऊं भीम गये पानी कूं
अर्जुन हार गये जौ जूं भीम गये पानी कूं
3. कुआऊ हारे कुअउटी हारे, धीमर हार गये जो जऊं भीम गये पानी कूं
अर्जुन हार गये जौ जूं भीम गये पानी कूं
4. महलऊ हारे महलइया हारी, रानियां हार गये जो जऊं भीम गये पानी कूं
अर्जुन हार गये जौ जूं भीम गये पानी कूं
 

एक मकान में बोहोत घनूँ मूसे रहवैये। एक बिल्लो भी बाई मकान में रहवैयी। तो बिल्लो कछु मुसेनैय रोजीना  मार देई और खा जावैयी। मूसे भौत चिन्ता में परगे। वे तो बिल्ली ते छुटकारो पानो चाहवैये। एक दिना सबेरे मूसेनैय एक पंचायत जोरी। और बा पंचायत में बूढ़े मूसे नै सभा की अध्यक्षता की। अलग- अलग मूसेनैय अलग-अलग विचार रखे। अंत में तो एक जुआन मूसे नै भी एक सुझाव (शर्त) रखी कि बिल्लो के गरे में घण्टी बाँध देनी चाहिये जाते कि वाकी आवे की आवाज कौ पत्तौ तौ लग जागौ। तौ सबरे मूसे बड़े खुश हुये। और ई उपाय सबनैय भौत बढ़िया लगौ। फिर नैक देर डटकें बूढ़ो मूसो खड़ौ हुयौ और बोलो उपाय (प्रस

दो बईयेरीं । एक पोत एक छोटे से बालक पै आपस में लड़ाई हैगी। दोनों कहरी मेरो तो (इकलो) एक ही बालक। एक बईयेर कहरी मैं तो याकी हकीकत मईया हूँ। दूसरी कहरी मेरो तो इकलो छोरायै। पर उनको कोई भी गवाह न हो। या हिसाब ते लड़ाई शान्त हैबे को कोई नाम नाय। दोनो जनी न्याय कूँ राजा के ढ़िंग गई। राजा भौत हुशियारो। राजा नै सबते पहलैं उन दोनो जनीन के ब्यान सुने। फिर राजा बोलो त्यारी समस्या कौ तौ एक ही उपाय। बालक के दो ठुकड़ा किये जायेंगे। उनमें ते तुम दोनो जनी एक-एक ठुकड़ा लै लियों। एक बईयेर नै तो फैसलो मान लियो लेकिन दूसरी नै राजा ते प्रार्थना करी कि बालक को न मारा   जाये। बाने कहा

एक बेर एक हाथीओ। बाकौ मालिक बाय एक नदी पै लै जाबेओ। हाथी नदी में नहाबैयो और पानी पीकरोय। गैल में एक टेलर की दुकान पडैयी। टेलर एक दयालु माईस हो। बू बाकूँ रोजीना कछु ना कछु खाबे कूँ दैदेकरोय। हाथी टेलर कूँ नदी ते फूल लाकरैयो। तौ याई तरीका ते दोनों आपस में पक्के दोस्त बनगे।
एक दिना टेलर दुकान पै नाहो। तौ बाको छोरा दुकान पै बैठो। तौ पहले की तरह हाथी ने अपनो सूँड दुकान के भीतर डारो तौ बाके छोरा नै बाकूँ कछु खाबे कूँ ना दियो।  और हाथी के सूँड में सूँई चुभो दी। हाथी गुस्सा हैकें चलेगो कि टेलर के छोरा ते बदलो लैबे कूँ।