जल भरै हिलोरे लेत
जल भरै हिलोरे लेत रसरिया रेसम की

रेसम की रसरी तब नीकी लागै (2)
सोने की गगरिया होय || रसरिया रेसम की
सोने की गागरी तब नीकी लागै (2)
जब मोती की इंडुरी होय || रसरिया ----

मोती की इंडुरी तब नीकी लागै (2)
जब नागिन सी चुटिया होय || रसरिया ------
नागिन सी चुटिया तब नीकी लागै (2)
जब पतली कमरिया होय || रसरिया ----

पतली कमरिया तब नीकी लागै (2)
सोने की तगरिया होय || रसरिया ------
सोने की तगरी तब नीकी लागै (2)
जब गोरी दुल्हनियाँ होय || रसरिया -------

गोरी दुल्हनियाँ तब नीकी लागै (2)
जब गोदी में गुडिया होय || रसरिया------
गोदी में गुडिया तब नीकी लागै (2)
जब संग साँवरिया होय || रसरिया -----

संग साँवरिया तब नीको लागै (2)
जब कारी बदरिया होय || रसरिया ----
कारी बदरिया तब नीकी लागै (2)
जब बागों में झूला होय || रसरिया ----

बागों में झूला तब नीको लागै (2)
जब संग में सखियाँ होंय || रसरिया ----
संग में सखियाँ तब नीकी लागै (2)
जब ऊँची-ऊँची पींगें होंय || रसरिया ----

ऊँची-ऊँची पींगें तब नीकी लागै (2)
जब भैया झुलैया होय || रसरिया ----
भैया झुलैया तब नीको लागै (2)
जब सावन महिनवा होय || रसरिया ----