टेक- बुढिया सो रई हो तौ जाग बिसबर आ गये लैबे कूं
1. बेटा पांच मिनट की मौलत दै देऔ पति ते आग्या लै आऊं।
राजा हमकूं भी आग्या देऔ बिसबर आगे लैबे कूं
गौरी तुम तौ जांय सत्संग कूं कौन बिछाबै खाट कौन हमारे पैर दबाबेगौ
तेरे बेटा बिछायगें खाट नाती पैर दबायगें
बुढिया सो रई हो तौ जाग बिसबर आ गये लैबे कूं
2. बेटा पांच मिनट मौलत देऔ बेटान ते आग्या लै आऊं
बेटा पांच मिनट मौलत देऔ बिसबर आ गये लैबे कूं
मईया तुम तौ जांय सत्संग कूं कछू हमकूं भी उपाउ बताऔ।
बेटा च्यार ऐकड खेत सुमरत ते लीजौं बांट
बुढिया सो रई हो तौ जाग बिसबर आ गये लैबे कूं
3. बेटा पांच मिनट मौलत देऔ बेटी ते आग्या लै आऊं
मईया तुम तौ जांय सत्संग कूं कछू हमकूं भी उपाउ बताऔ।
कौन करै हमारौ कन्यादान कौन हमारौ लाड लडाबैगौ
बेटी भईया करिंगे कन्यादान भाभी लाड लडामिंगी
बुढिया सो रई हो तौ जाग बिसबर आ गये लैबे कूं
4. बेटा पांच मिनट मौलत देऔ बहून ते आग्या लै आऊं बिसबर आगे लैबे कूं
बहूअल पांच मिनट हमकूं मौलत दै देऔ बिसबर आगे लैबे कूं।
सासुल घर की चाबी देऔ बेसक जाऔ सत्संग में।