सचिन अंजली ते कहरौ सुन जितेक देर में मैं एक सुआंस लऊं उतनी ही देर में देस में एक नयौ बच्चा जनम लैले। फिर अंजली अचम्मे में हैकैं बोली हाय राम अब तुम अपनी ई हरकत छोड क्यों ना दैमै। देस की आबादी पहले तेई जादाय।
मौनू एक पोत टिरक ते कहीं जारौ। गैल में बाकौ टिरक खराब हैगौ। मौनू नै टिरक लै जाबे कूं दूसरे टिरक कौ इन्तजाम करौ और अपने टिरकै लै जाबे लगौ। गैल में एक होटल पै सौनू निगाह परौ। सौनू, मौनू के टिरकै देखकैं जोर- जोर ते हसबे लगौ। मौनू नै गुस्सा में पूछी अबे तैनै कभी टिरक ना देखौ का। सौनू बोलौ टिरक तौ देखाय पर ऐसौ पहली पोत देखौय कै दो टिरक मिलकैं एक जेबरीय लै जारैं।
एक लेखक नै अपनी बुध्दी कौ जादा रौब झारते हुये अपने यार मोनू ते कहरौ किताब कौ सार लिखनौ कोई आसान काम नाय। पतौय सार लिखबे में कभी- कभी मोय एक साल लग जाबै। या बात पै सार लिखबे बारे लेखक कौ यार मोनू हंसकैं तेजी तौ बोलौ तू बेकार में इतनी मैहनत करै यार। पतौय पन्दरै रुपईया में तौ लिखौ लिखायौ सार मिल जाबै।
संजय सिंह अपने छोराय गाडी में घुमारे। जो मिलैऔ ऊई पूछैऔ संजय सिंह अपने छोराय घुमारेऔ। या सबाल ते तंग आकैं संजय सिंह नै एक मांईस ते जुबाब दियौ ना जी पडौसी कौ बच्चाय। जभी ऊ मांईस बोलौ जभी याकी सकल तेरे पडौसी ते इतनी क्यों मिल रीय।
बैल्डिंग और बैन्डिंग में काह फरक है। बैल्डिंग में पहलैं चिंगारी निकलै और पीछैं सदां कूं गठबंधन है जाबै। बैंडिग में पहलैं गठबंधन हैबै और पीछैं चिंगारी निकलै।
चिंटू नै बैंक के मैंनेजर कूं फौन करौ मोय लौन चहियै। मैंनेजर बोलौ बैंक में खातौ है का नाय बेटे। चिंटू बोलौ अभी तौ घर पै ही खाऊं लौन दै दोगे तौ बैंक में खा ले करंगौ।
एक छोरा भौत मोटौ वाकौ भ्याऔ। छोरा के घरवारे बोले बता भ्याह में घोडी ते जागौ का। ऊ बोलौ मैं तौ हाती ते भ्याहबे जाऊंगौ। घर वारेन्नै हाती ला दियौ। वाकी चढाई हाती ते हैरी तौ ऊ बेटी बारे के दरबज्जे पै पौंहचगौ तौ वाकी सारी हसगी। जीजा बोलौ कैसैं हसरीय सारी हाती ना देखौ का। सारी बोली हाती तौ देखौय पर हाती के ऊपर हाती आज पहली पोत देखौय।
