टेक- बाबा की दुआं ले कर जाओ तुम्है सुखी संसार मिलै
कलयुग की कभी याद ना आये,सतयुग में इतना प्यार मिलै

1.मैं धरती पर आऊंगा,अपना परिचय बताऊंगा
अपना परिचय बता करके,पतित से पाथन बनाऊंगा
बाबा की दुआं ले कर जाओ तुम्है सुखी संसार मिलै
कलयुग की कभी याद ना आये,सतयुग में इतना प्यार मिलै

2.बिन मां के तन में आऊंगा,चौरासी राज बताऊंगा
चौरासी के राज बता करके,तुम्हें मीठा राज बताऊंगा
बाबा की दुआं ले कर जाओ तुम्है सुखी संसार मिलै
कलयुग की कभी याद ना आये,सतयुग में इतना प्यार मिलै

बादर लैहरा मेरे पिया, भीतर लैलै खाट मेरे पिया
हम दोनूं तौ चढगे अटरिया, पीछे ते चढगी डुकरिया

1.हम दोनूं तौ पलंग नबामें, खाटै नबाबै डुकरिया
जर गई मेरी जान- जर गई मेरी जान

2.हम  दोनूं तौ बरफी खामै, हातै पसारै डुकरिया 
जर गई मेरी जान- जर गई मेरी जान

3.हम दोनूं तौ सरवत पीमै, गिलासै पीबै डुकरिया
जर गई मेरी जान- जर गई मेरी जानबिछ

4.हम दोनूं तौ दरी बिछामै, गूदरी बिछाबै डुकरिया
जर गई मेरी जान- जर गई मेरी जान

टेक- पिया मोय संग ले चल नहीं तौ इन चीजन्‍नै ला दीजौ

कारी सी एक चूंदर लादै, गोरौ बदन दिखाबे कूं
छोटी सी एक साईकिल लादै, कौलेज जाऊं पढने कूं

छोटी सी एक मोटर लादै, सडकौं बीच घुमाबे कूं
छोटी सी एक टीबी लादै रोज फिलम देखबे कूं

छोटौ सौ एक ललना दैदै रोज खिलाबे कूं
पतरौ सौ एक रसिया कर जा मेरे पैर दबाबे कूं

टेक- धईया में रईया चला दई पिया

1.मेरी मईया के बोल कैसैं लागैं गोरी
जैसैं चूल्हे में लकडी लगा दई पिया 
धईया में रईया चला दई पिया

2.मेरी भाभी के बोल कैसैं लागैं गोरी
जैसे कारे ततईया नै खा लई पिया 
धईया में रईया चला दई पिया

3.लौहरी के बोल कैसैं लागैं गोरी
जैसैं पानी में मछली तैरा दई पिया
धईया में रईया चला दई पिया

4.मेरी बहिना के बोल कैसैं लागैं गोरी
जैसैं बादर में बिजली चमका दई पिया
धईया में रईया चला दई पिया

टेक- छोटे ते बडे है जाऔ राजा हमें जवानी आई

जबरे जवानी मेरी घुमटन आई,घुमटा खुल-खुल जाय
छोटे ते बडे है जाऔ राजा हमें जवानी आई

जबरे जवानी मेरी छतियन आई बनियान खुल-खुल जाय
छोटे ते बडे है जाऔ राजा हमें जवानी आई

जबरे जवानी मेरी कमर में आई नारौ खुल-खुल जाय
छोटे ते बडे है जाऔ राजा हमें जवानी आई