बाबा रे दुनिया मतलब की दुनिया में अपना कोई नहीं

1.चन्दा सूरज के साथी भौत हुये जब गहन परौ कोई नहीं
उडजा रे हंसा स्वर्ग लोग दुनिया में अपना कोई 
बाबा रे दुनिया मतलब की दुनिया में अपना कोई नहीं

2.गंगा यमुना के साथी भौत हुये, भंवर परी जब कोई नहीं
उडजा रे हंसा स्वर्ग लोग दुनिया में अपना कोई 
बाबा रे दुनिया मतलब की दुनिया में अपना कोई नहीं

3.नरसी के साथी भौत हुये, भात भरौ जब कोई नहीं
उडजा रे हंसा स्वर्ग लोग दुनिया में अपना कोई 
बाबा रे दुनिया मतलब की दुनिया में अपना कोई नहीं

टेक- दुनिया चले ना सिरीराम के बिना, राम जी चले ना हनुमान के बिना

1. जब से रामायन पढ ली है, एक बात हमने समझ ली है
रावन मरे ना सिरीराम के बिना, लंका जले ना हनुमान के बिना
दुनिया चले ना सिरीराम के बिना, राम जी चले ना हनुमान के बिना 

2. सीता हरन की कहानी सुनो,बनवारी मोरी जवानी सुनो
सीता मिले ना सिरीराम के बिना, पता लगे ना हनुमान के बिना
दुनिया चले ना सिरीराम के बिना, राम जी चले ना हनुमान के बिना

टेक- डोकरा कूं ना रही ठौर खटोला कूं सुन लै बंसी बारे

1. बडौ छोरा यौं उठ बोलौ काका की खाट बिछा देऔ कमरा में सुन लै बंसी बारे
बडी बहू यों उठ बोली मेरौ नाज भरेगौ कमरा में
डोकरा कूं ना रही ठौर खटोला कूं सुन लै बंसी बारे

2. दूजौ छोरा यौं उठ बोलौ काका की खाट बिछा देऔ पौरी में सुन लै बंसी बारे
दूजी बहू यौं उठ बोली मेरी भैंस बधंग्‍गी पौरी में
डोकरा कूं ना रही ठौर खटोला कूं सुन लै बंसी बारे

टेक- केसव कल मल हारी राधेस्याम स्यामा स्याम
भगतन के हितकारी राधेस्याम स्यामा स्याम

1.बिरज गोपीन संग रास रचायौ
चोर-चोर कैं माखन खायौ
माखनचोर मुरारी राधेस्याम स्यामा स्याम

2.अरजुन के रथ हांकन हारे
गीता के उपदेसन बारे
चक्र सुदरसन धारी राधेस्याम स्यामा स्याम

3.दुरयोधन के भोग ना भाये
विद रानी के छिलका खाये
ऐसें पिरैम पुजारी राधेस्याम स्यामा स्याम

4.एक दिन मान इन्द्र के मारे
नख ऊपर गोवरधन धारे
नाम परौ गिरधारी राधेस्याम स्यामा स्याम

टेक- कान्हा मोय पियर ते लै आयौ मीठौ बोल-बोल कैं

1.कान्हा मोय ऐसौ टीकौ लईयौ तखरी में तोल-तोल कैं
राधा सौनौ हैगौ तेज सुन लेऔ कान खोल कैं
कान्हा मरुंगी जैहर विस खाय कटोरी में घोर-घोर कैं
कान्हा मोय पियर ते लै आयौ मीठौ बोल-बोल कैं

2.कान्हा मोय ऐसौ कुन्डल लईयौ तखरी में तोल-तोल कैं
राधा सौनौ हैगौ तेज सुन लेऔ कान खोल कैं
कान्हा मरुंगी जैहर विस खाय कटोरी में घोर-घोर कैं
कान्हा मोय पियर ते लै आयौ मीठौ बोल-बोल कैं लइयौ